امریکہ، مصر، قطر اور ترکی نے پیر کو مصر میں ایک خصوصی تقریب میں غزہ امن معاہدے پر دستخط کر دیے۔
مصر کے سیاحتی مقام شرم الشیخ میں ٹی وی پر براہ راست دکھائی جانے والی اس تقریب کے میزبان امریکی صدر ڈونلڈ ٹرمپ اور ان کے مصری ہم منصب السیسی تھے۔
ٹرمپ نے دستخط کرنے سے قبل کہا ’یہ دستاویز قواعد و ضوابط اور کئی دیگر امور کی وضاحت کرے گی۔‘ انہوں نے دو بار کہا ’یہ (دستاویز) برقرار رہے گی۔‘
تقریب سے قبل شریک میزبان ٹرمپ نے مہمان رہنماؤں کا فرداً فرداً استقبال کیا۔ پاکستان کے وزیر اعظم شہباز شریف نے بھی ٹرمپ سے مصافحہ کیا اور مختصر گفتگو بھی کی۔
