گوادر( روزنامہ ایگل حب بلوچستان ) گوادر کے علاقے سید ہاشمی ایوینیو پر واقع بلال مسجد کے قریب نامعلوم حملہ آوروں نے پنجاب سے تعلق رکھنے والے افراد کی رہائش گاہ کو دستی بم سے نشانہ بنایا۔ حملے کے بعد حملہ آور ہوائی فائرنگ کرتے ہوئے موقع سے فرار ہوگئے۔
ابتدائی اطلاعات کے مطابق واقعے میں تین شہری زخمی ہوئے جن کا تعلق پنجاب سے ہے، جبکہ ایک پولیس اہلکار بھی فائرنگ کے تبادلے میں زخمی ہوا۔ تمام زخمیوں کو فوری طور پر جی ڈی اے ہسپتال منتقل کر دیا گیا۔
جوابی کارروائی کے دوران پولیس کی فائرنگ سے ایک حملہ آور ہلاک ہوگیا۔ سیکیورٹی فورسز نے واقعے کے فوراً بعد علاقے کو گھیرے میں لے کر سرچ آپریشن شروع کر دیا ہے، اور مزید تحقیقات جاری ہیں