خیبر پختونخوا کے ضلع بنوں میں پولیس کے مطابق جمعرات اور جمعے کی درمیانی شب ڈومیل پولیس سٹیشن کے قریب دھماکہ میں پانچ شہری جان سے گئے ہیں جبکہ ایک پولیس اہلکار زخمی ہوا ہے۔
بنوں پولیس کے کنٹرول روم کے اہلکار نے انڈپینڈنٹ اردو بتایا کہ حملے میں ڈومیل پولیس سٹیشن کو نشانہ بنایا گیا ہے جس سے قریبی مکان زمین بوس ہوگئے ہیں اور عام شہری جان سے گئے ہیں۔
اہلکار نے بتایا کہ ریسکیو کی ٹیمیں جائے وقوعہ پر موجود ہیں اور ملبے کو ہٹایا جا رہا ہیں جبکہ ریسکیو اپریشن بھی رات بھر جاری رہا۔
پولیس نے دھماکے کی نوعیت کے حوالے سے ابھی کچھ نہیں بتایا ہے۔
اس سیکشن میں متعلقہ حوالہ پوائنٹس شامل ہیں (Related Nodes field)
دھماکے کے زخمیوں اور لاشوں کو قریبی مرکز صحت ہسپتال خلیفہ گل نواز ہسپتال منتقل کیا گیا ہے۔
ہسپتال کے ترجمان محمد نعمان نے انڈپینڈنٹ اردو کو بتایا کہ دھماکے میں مارے گئے پانچ افراد کی لاشوں اور 13 زخمیوں کو ہسپتال لایا گیا ہے۔
محمد نعمان نے بتایا کہ پانچ افراد دھماکے کے قریب مکان کی چھت منہدم ہونے کی وجہ سے جان سے گئے ہیں۔
