کنگ سلمان ہیومینیٹیرین ایڈ اینڈ ریلیف سینٹر نے پاکستان میں ’مویشیوں کی فراہمی کے ذریعے کمزور گھرانوں کی معاشی بااختیاری کے منصوبے‘ کے دوسرے مرحلے کو کامیابی سے مکمل کر لیا ہے۔
اس مکمل شدہ مرحلے کے تحت خیبر پختونخوا کے چار اضلاع بشمول سوات، صوابی، ہری پور اور مانسہرہ میں ایک ہزار مستحق گھرانوں کو پولٹری پر مبنی روزگار کے جامع پیکجز فراہم کیے گئے۔
ہر مستفید ہونے والے خاندان کو 25 مرغیاں جبکہ اس کے ساتھ ایک مکمل پولٹری کٹ بھی دی گئی، جس میں 50 کلوگرام فیڈ، فیڈرز کے دو سیٹ، ایک واٹر ڈرنکر، انڈے رکھنے کی ٹرے اور حفاظتی جالی شامل تھی۔
کنگ سلمان ریلیف سینٹر نے کاشتکاروں کی استعداد بڑھانے کے لیے تربیتی ورکشاپیں بھی منعقد کیں (کنگ سلمان سینٹر)
اس منصوبے کے تحت محکمہ لائیو سٹاک کے تعاون سے پولٹری مبنیجمنٹ اور آمدن کے مواقعے سے متعلق 40 تربیتی سیشنز منعقد کروائے گئے، جن کا مقصد مستحق افراد کو پائیدار اور چھوٹے پیمانے پر پولٹری کاروبار کے لیے ضروری مہارتیں فراہم کرنا تھا۔
اس سیکشن میں متعلقہ حوالہ پوائنٹس شامل ہیں (Related Nodes field)
یہ منصوبہ پیس اینڈ ڈیویلپمنٹ آرگنائزیشن کے ذریعے ریلیف، محکمہ ریلیف، بحالی و آبادکاری خیبر پختونخوا، صوبائی ڈیزاسٹر منیجمنٹ اتھارٹی اور مقامی انتظامیہ کے باہمی تعاون سے نافذ کیا گیا۔
منصوبے کا مقصد چاروں اضلاع میں کمزور گھرانوں کی معاشی مضبوطی، غذائی تحفظ اور گھریلو غذائیت کو بہتر بنانا تھا۔
اس مرحلے کی کامیاب تکمیل کے ساتھ یہ منصوبہ خود انحصاری، باعزت روزگار کے مواقع، بہتر غذائیت اور طویل المدتی معاشی استحکام کے فروغ میں مؤثر ثابت ہوا ہے، جو پاکستان بھر میں کمزور طبقات کو بااختیار بنانے کے لیے کنگ سلمان ریلیف سینٹر کے مسلسل عزم کی عکاسی کرتا ہے۔
