دبئی ایئر شو میں جمعے کو ایک انڈین لڑاکا طیارہ مظاہرے کے دوران گر کر تباہ ہو گیا ہے۔
انڈین فضائیہ میں استعمال ہونے والا لڑاکا طیارے ایچ اے ایل تیجس نے مقامی وقت کے مطابق دو بج کر دس منٹ پر مظاہرہ دکھانے کے لیے پرواز بھری لیکن چند ہی لمحوں بعد وہ تماشائیوں کے سامنے گر کر تباہ ہو گیا۔
فوری طور پر یہ واضح نہیں ہو سکا ہے کہ پائلٹ بچ گیا یا نہیں، اور نہ ہی کسی کے زخمی ہونے کی تصدیق ہوئی ہے۔
اس سیکشن میں متعلقہ حوالہ پوائنٹس شامل ہیں (Related Nodes field)
حادثے کے بعد دبئی ورلڈ سینٹرل کے المکتوم انٹرنیشنل ایئرپورٹ کے اوپر سیاہ دھواں اٹھتا دیکھا گیا جبکہ تماشائیوں کے سامنے سائرن بجنے لگے۔
دبئی کے دوسرے بڑے ایئر پورٹ پر جاری دو سالہ دبئی ایئر شو میں اس بار طویل فاصلے تک پرواز کرنے والی ایئرلائن ایمیرٹس اور اس کی کم لاگت والی ذیلی ایئرلائن فلائی دبئی کی جانب سے بڑے طیاروں کے آرڈرز بھی شامل ہیں۔
