دفتر خارجہ نے جمعے کو کہا ہے کہ پاکستان کے نائب وزیراعظم اسحاق ڈار 12 سے 14 دسمبر کو متحدہ عرب امارات میں ہونے والے سر بنی یاس فورم میں شرکت کر رہے ہیں، جہاں وہ عالمی رہنماؤں کے ساتھ علاقائی امور پر بات چیت کریں گے اور معاشی شراکت داری کے امکانات کا جائزہ لیں گے۔
اس سیکشن میں متعلقہ حوالہ پوائنٹس شامل ہیں (Related Nodes field)
تین روزہ سربراہ اجلاس میں دنیا بھر سے سینیئر سیاست دان، پالیسی ساز اور عالمی ماہرین شریک ہوں گے، جہاں گفتگو کا محور علاقائی اور بین الاقوامی سطح کے اہم امور ہوں گے، جن میں امن، سکیورٹی اور معاشی تعاون شامل ہے۔
اسحاق ڈار، جو پاکستان کے وزیر خارجہ بھی ہیں، نے گذشتہ برس بنی یاس فورم کے 15 ویں ایڈیشن میں شرکت کی تھی۔ جمعے کو اپنے بیان میں دفتر خارجہ نے کہا کہ اس سال کی سربراہ کانفرنس میں اسحاق ڈار متحدہ عرب امارات کے اپنے ہم منصب شیخ عبداللہ بن زاید ال نہیان کی دعوت پر شرکت کر رہے ہیں۔
دفتر خارجہ کے بیان کے مطابق: ’اجلاس کے دوران نائب وزیراعظم اور وزیر خارجہ علاقائی استحکام، پائیدار ترقی اور معاشی شراکت داری کے فروغ سے متعلق امور پر عالمی رہنماؤں اور ماہرین کے ساتھ تبادلہ خیال کریں گے۔
’وہ مکالمے کے فروغ، علاقائی چیلنجز سے نمٹنے اور معاشی تعاون کے بہتر مواقع پیدا کرنے سے متعلق پاکستان کا نقطہ نظر بھی پیش کریں گے۔‘
Deputy Prime Minister/Foreign Minister Senator Mohammad Ishaq Dar @MIshaqDar50 arrived in Abu Dhabi, from where he will depart for Bani Yas to attend the 16th Bani Yas Forum (12–14 December 2025).
He was received at the airport by the UAE Royal Protocol representative and… pic.twitter.com/3OTqbXt8PG
— Ministry of Foreign Affairs – Pakistan (@ForeignOfficePk) December 12, 2025
فورم میں اسرائیل کی غزہ میں جاری جنگ اور مشرق وسطی میں نازک جنگ بندی پر اہم تبادلہ خیال متوقع ہے۔
پاکستان مسلسل اسرائیل پر غزہ میں جنگ بندی کی خلاف ورزی کا الزام عائد کرتا رہا ہے اور عالمی برادری سے مطالبہ کرتا آیا ہے کہ وہ مداخلت کرے اور اس نازک معاہدے کو ٹوٹنے سے بچائے۔
اسلام آباد حالیہ مہینوں میں ایسے عالمی اجلاسوں کے موقعے پر علاقائی اتحادیوں، خصوصاً خلیجی ممالک، کے ساتھ معاشی شراکت داری کے امکانات بھی تلاش کر رہا ہے۔
