افغانستان میں طالبان وزرا ایک ایک کر کے آج کل انڈیا کے دورے کر رہے ہیں اور تازہ دورہ وزیر صحت نے کیا ہے جس میں حکام کے مطابق دونوں ممالک کے درمیان معیاری ادویات کی درآمد اور کینسر کے علاج میں تعاون پر گفتگو ہوئی۔
باختر نیوز کے مطابق افغانستان کے وزیرِ صحتِ عامہ مولوی نورجلال جلالی نے انڈیا کے سرکاری دورے کے دوران میزبان وزیرِ صحت و خاندانی بہبود جگت پرکاش ندا سے ملاقات کی۔
یہ دورہ ایک ایسے وقت ہو رہا ہے جب افغانستان اور پاکستان کے درمیان تجارت سرحد کی بندش کی وجہ سے دو ماہ سے بند ہے۔ افغانستان کا ماضی میں پاکستان پر ادویات اور علاج کے سلسلے میں انحصار کافی بڑھا تھا۔
تاہم گذشتہ دنوں افغان حکام نے ایک ویڈیو بھی جاری کی جس میں مبینہ طور پر پاکستان سے آنے والی جعلی ادویات کی شناخت کی گئی تھی۔
Union Health Minister Shri @JPNadda held a productive meeting with H.E. Mr. Mawlawi Noor Jalal Jalali, Afghanistan’s Minister of Public Health.
India reaffirmed its commitment to continued humanitarian assistance and healthcare cooperation, with a focus on long-term supply of… pic.twitter.com/zYxWc5T6ek
— Ministry of Health (@MoHFW_INDIA) December 17, 2025
سب سے پہلے انڈیا اور افغان طالبان میں برف اس وقت بگھلی جب طالبان کے وزیر خارجہ مولوی امیر خان متقی نے انڈیا کا دورہ کیا۔ اس کے بعد طالبان کے وزیر تجارت الحاج نو الدین عزیزی بھی انڈیا گئے۔
وزارتِ صحتِ عامہ کی جانب سے جاری بیان کے مطابق ملاقات میں فریقین نے صحت کے شعبے میں دوطرفہ تعلقات کے فروغ، طبی عملے کے مابین تجربات کے تبادلے، افغان طبی عملے کی استعداد بڑھانے، افغانستان کو معیاری ادویات کی فراہمی، کینسر کے علاج کے لیے ادویات اور استعداد سازی میں تعاون، افغان مریضوں کے لیے ویزا کے عمل میں سہولت، بھارت میں علاج کی سہولیات، افغانستان کے طبی مراکز کو جدید آلات سے لیس کرنے اور دیگر متعلقہ امور پر گفتگو ہوئی۔
اس سیکشن میں متعلقہ حوالہ پوائنٹس شامل ہیں (Related Nodes field)
مولوی نورجلال جلالی نے صحت کے شعبے میں انڈیا کے حالیہ تعاون پر شکریہ ادا کرتے ہوئے کہا کہ ان اقدامات سے افغانستان کے صحت کے نظام کو بہتر بنانے میں مدد ملے گی، اور اس سلسلے میں مزید مؤثر اقدامات کی ضرورت ہے۔
انڈین وزیرِ صحت جگت پرکاش ندا نے گفتگو کے دوران کہا کہ دہلی افغانستان کے عوام کے ساتھ ادویات، ویکسین اور دیگر طبی ضروریات کے شعبے میں تعاون جاری رکھنے کے لیے پُرعزم ہے۔ انہوں نے مزید بتایا کہ جلد ہی ایک سی ٹی سکین مشین، ادویات اور ویکسین کی ایک کھیپ کابل کے چلڈرن ہیلتھ ہسپتال کو فراہم کی جائے گی۔
اس موقع پر کینسر کی ادویات اور ویکسینز کی علامتی حوالگی کی گئی۔ ادویات، ویکسینز اور 128 سلائس سی ٹی سکینر کی ایک بڑی کھیپ بھی افغانستان بھیجی جا رہی ہے۔
Had a fruitful interaction with the Afghan Minister of Public Health, H.E. Mawlawi Noor Jalal Jalali today
Discussed bilateral issues, with a focus on healthcare cooperation, long-term supply of pharmaceutical products, and development cooperation in the health sector.
Renewed… pic.twitter.com/LHl0QBWZlc
— Kirti Vardhan Singh (@KVSinghMPGonda) December 18, 2025
انہوں نے افغان مریضوں کے علاج کے حوالے سے مزید سہولیات فراہم کرنے کی یقین دہانی بھی کرائی اور ہر ممکن تعاون پر آمادگی ظاہر کی۔
