ٹیکساس میں سیلاب سے 50 اموات، وزیراعظم شہباز شریف کا اظہار افسوس

Share

امریکہ کی ریاست ٹیکساس میں شدید بارشوں اور سیلاب کے نتیجے میں اموات کی تعداد اتوار کو 50 تک جا پہنچی، جس پر پاکستان کے وزیراعظم شہباز شریف نے اظہار افسوس کیا ہے۔

وزیراعظم پاکستان شہباز شریف نے امریکہ میں ہونے والے جانی و مالی نقصان پر دکھ کا اظہار کرتے ہوئے امریکی صدر ڈونلڈ ٹرمپ اور امریکی عوام سے اظہارِ ہمدردی کیا۔

انہوں نے ہفتے کی شب سوشل میڈیا پلیٹ فارم ’ایکس‘ پر اپنے بیان میں کہا: ’ٹیکساس، امریکہ میں ہولناک سیلاب کے نتیجے میں قیمتی جانوں کے ضیاع پر دل گرفتہ ہوں۔

’امید ہے کہ جاری ریسکیو آپریشن کامیاب ہو گا اور مزید لوگوں کی جانیں بچائی جا سکیں گی۔‘

شدید بارشوں اور اس سے سیلاب کا آغاز جمعے کو اُس وقت ہوا جب امریکہ میں تعطیلات کا آغاز ہو رہا تھا۔

اس سیکشن میں متعلقہ حوالہ پوائنٹس شامل ہیں (Related Nodes field)

چند گھنٹوں کے دوران مہینوں کی بارش پڑی، جس کے نتیجے میں نشیبی علاقے زیرِ آب آ گئے۔ امریکہ کے موسمیاتی ادارے نے مزید بارشوں اور ممکنہ سیلاب کے خطرے سے خبردار کیا ہے۔

وزیراعظم شہباز شریف نے کہا کہ پاکستان بھی حالیہ دنوں میں ایسے ہی ایک سانحے سے گزر چکا ہے۔

’چند روز قبل پاکستان کے شمال مغربی علاقے میں ایک ایسے ہی واقعے میں ایک ہی خاندان کے 13 افراد جان سے گئے۔ ہم متاثرہ خاندانوں کے دکھ کو بخوبی سمجھ سکتے ہیں۔ ہماری دعائیں اور ہمدردیاں صدر ٹرمپ اور امریکی قوم کے ساتھ ہیں۔‘

پاکستان میں 26 جون سے شروع ہونے والی مون سون بارشوں سے اب تک 66 افراد جاں بحق اور 127 زخمی ہو چکے ہیں، جب کہ متعدد علاقوں میں معمولاتِ زندگی متاثر ہیں۔

ماہرین کے مطابق ماحولیاتی تبدیلی کے باعث شدید موسم کی شدت اور تعداد میں واضح اضافہ دیکھنے میں آ رہا ہے۔


Share

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

انقلابی جین تھراپی سے چند ہفتوں میں سماعت واپس آ گئی: سائنس دان

اتوار جولائی 6 , 2025
Share ایک نئی تحقیق کے مطابق ایک بار لگایا جانے والا جینیاتی تھراپی کا ٹیکہ صرف چند ہفتوں میں انسانوں میں سماعت کی صلاحیت بحال کر سکتا ہے۔ سویڈن کے معروف تحقیقی ادارے کاریولنسکا انسٹیٹیوٹ کے محققین نے بتایا کہ یہ جدید تھراپی پیدائشی بہرے پن یا انتہائی کم سننے […]

You May Like