ملائیشیا کے ایمن ردوان بن محمد رملان نے پاکستان کے پہلے بین الاقوامی مقابلہ قرأت میں پہلی پوزیشن حاصل کی، جبکہ ایران کے عدنان مومنین خمیسہ اور پاکستان کے قاری عبدالرشید نے بالترتیب دوسری اور تیسری پوزیشن حاصل کی۔
یہ مقابلے 24 نومبر سے 29 نومبر تک دو مرحلوں میں اسلام آباد میں منعقد ہوئے، جس میں 30 سے زائد اسلامی ممالک کے شرکا نے حصہ لیا۔
خبر رساں ادارے ایسوسی ایٹڈ پریس آف پاکستان (اے پی پی) کے مطابق نائب وزیراعظم اسحاق ڈار نے ہفتے کو مقابلے کی اختتامی تقریب میں شرکت کی، جہاں انہوں نے سرفہرست چھ امیدواروں کو انعامات اور شیلڈز پیش کیں۔
پاکستان کے پہلا بین الاقوامی مقابلہ قرأت میں پہلی، دوسری اور تیسری پوزیشن حاصل کرنے والے قاری (وزارت مذہبی امور فیس بک پیج)
ان کے ہمراہ وزیر برائے مذہبی امور سردار محمد یوسف، مقابلے کے چیف جج اور کوآرڈینیٹر قاری صداقت بھی موجود تھے۔
اس سیکشن میں متعلقہ حوالہ پوائنٹس شامل ہیں (Related Nodes field)
پہلی پوزیشن حاصل کرنے والے ایمن رضوان بن محمد رملان کو 50 لاکھ روپے نقد انعام دیا گیا جبکہ ایران اور پاکستان سے تعلق رکھنے والے شرکا کو بالترتیب دوسری اور تیسری پوزیشن حاصل کرنے پر 30 اور 20 لاکھ روپے کے انعامات دیے گئے۔
دریں اثنا افغانستان، انڈونیشیا اور مراکش سے تعلق رکھنے والے مقابلہ جیتنے والوں کو بالترتیب چوتھی، پانچویں اور چھٹی پوزیشن حاصل کرنے پر دو، دو لاکھ روپے کے انعامات دیے گئے۔
یہ مقابلے 24 نومبر سے 29 نومبر تک دو مرحلوں میں اسلام آباد میں منعقد ہوئے، جس میں 30 سے زائد اسلامی ممالک کے شرکا نے حصہ لیا۔