ٹی وی ڈرامہ کی معروف جوڑی ’’سونا چاندی‘‘ سے شہرت پانے والے اداکار حامد رانا اور شبیا حسن کو پرائیڈ آف پرفارمنس ملنے کی خوشی میں تقریب پذیرائی منعقد ہوئی۔
دی بورے والینز کمیونٹی کی اس تقریب میں پرائیڈ آف پرفارمنس اداکار خالد عباس ڈار، اورنگ زیب لغاری، راشد محمود، اشرف خان اور معروف سنگرخالد بیگ نے بھی خصوصی طورپر شرکت کی اور سونا چاندی کے فن پر روشنی ڈالی۔
سونا چاندی کے اعزاز میں رکھی گئی اس تقریب میں افواجِ پاکستان سے بھی یکجہتی کا اظہار کیا گیا۔
اس موقع پر اداکار خالدعباس ڈار کا کہنا تھا کہ حامد رانا ور شیبا حسن کی لازوال پرفارمنس کی وجہ سے سونا چاندی پاکستان کی ڈرامہ تاریخ میں ہمیشہ یاد رکھا جائے گا۔
انہوں نے بانی دی بورےوالینز عبد الباسط خان اور اس تنظیم کے تمام لوگوں کی فنکار برادی کی عزت افزائی کے لیے تقریب کو مثالی قرار دیا۔
خآلد عباس ڈآر نے اپنی زندگی کے مختلف واقعات بھَی شیئر کرکے تقریب کویادگار بنایا۔
سنگر خالد بیگ کےساتھ شرکا تقریب نے قومی پرچم تھامے ’’سوہنی دھرتی اللہ رکھے، قدم قدم آباد تجھے‘‘ گا کر وطن اور افواج پاکستان سےمحبت کا اظہار کیا۔
ہاکی ورلڈکپ 1978 کے فائنل میں فیصلہ کن گول کرکے پاکستان کو عالمی چیمپئن بنوانے والےہیرو رانا احسان اللہ اورمینجمنٹ کمیٹی کے رکن ضیا محمود خان نے تمام فنکاروں اورمہمانوں کی آمد کا شکریہ ادا کیا۔
